STM HOME PAGE | YIDDISH MUSIC HALL | YIDDISH LANGUAGE RESOURCES | LADINO LANGUAGE RESOURCES | JEWISH WEBSIGHT 


Search   


 






The Ladino Music Hall
A site dedicated to Ladino Music lovers

Kaza
Kalendario
Artistas
Kansiones
Arekojedor
Reconocimientos
Forum
Notas
Ayuda
Mozotros
Ladino
Kontacto
Join Our Ladino Music Hall Mailing List
Press Center
Contributors
Back to Save The Music

Home Page

 



Forum/Komunita

Posted on: July 02-2001
• El livro de R. Bali, para entender lo ke paso al djudeo-espanyol

Alos ke de entre vozotros konosen la lingua Turka, les kero rekomendar ferventemente el livro de Rifat N. Bali, para saver ekzaktamente lo ke apronto la dekadensia del Judeo-Esoaniol en Turkiya. Rifat Bali es un investigador muy emportante del Judaismo de Turkiya, i esto seguro ke es un grande manadero de dokumentasyon historika.

Es verdad, komo eskrivyo el Dr. A. De Vidas ke kon la preokupasyon de ser buen sivdadino i de no avlar en Turko kon un aksento,los Judios de Turkia estan dizde munchos anios abandonando de sus propria inisyativa el uzo de avlar esta lingua, i los pokos ke la uzan mesklan tanto biervos i ekspresyones en Turko, ke mas no ay senso de avlarlo.

El semanario Shalom tiene muncha difikultad de inchir la sola oja en Judeo-Espaniol, i ayinda mas de topar sekretaria ke va eskrivir un manuskrito en la komputadora. Solo el saver ke el Judeo-Espaniol no es solo lengua, es nuestro pasado, nuestra etnisidad, baza de nuestro karakter Judio-Evropeo-Mediteranneo, es lo ke puede salvar esta lengua. Esto es lo ke kale echo en Turkiya para la manseves, i no kreo ke se esta azyendo bastante. Por seguro ke este esforso de salvar el Ladino no es en ninguna kontradiksion kon ser buen sivdadino Turko, komo no lo es en Israel.

En Israel no se diskute mas ke el esforso de abandonar todas las linguas en favor del hebreo, en los primos anios del estado, fue un yerro ke tuvo konsekuensas sosialas graves. 2000 anios de diaspora izyeron de los judios multi-linguales i krearon multi-kulturas, i oy es el governo ke budgeta a la Autoridad para el Yiddish i para el Ladino.
Saludos, Selim Amado

Posted by: Selim Amado
Respond to the author     Back to Top

Posted on: July 3-2001

• Responding to: El livro de R. Bali, para entender lo ke paso al djudeo-espanyol

No se puede diskutir la valor del livro de Rifat Bali (malorozamento yo no lo puedo meldar) i ke los governos nasionalistas de este tiempo fizieron muchas kozas kon las skolas de los djidios.

Ma penso ke todos stamos d'akodro ke la vera razon ke no avlamos mas espanyol es ke es mozotros ke la abandonamos. En Gresia, no menos ke el prezidente de la komunita de Salonik i membro del parlamento Grego Mentesh Bensandji (no se si tiene relasion kon la vostra sinyora Bensanci) disho - sigun la teza de Bernard Pierron "Juifs et Chertiens de la Grece Moderna", ke en una djenerasion mos vamos liberar de esto "jargon". Kuando el governo grego fizo una ley ke limita las oras del ensenyemento de linguas estranjeras en las skolas para los djidios gregos, los djidios protestaron la limitasion de las oras de fransez - no de djudeo-espanyol.

Malorozamente, el sinyor Bensandji murio al Olokosto antes de ver la liberasion ke keria.

En el livro de Romero se avla de un teatro en djudeo-espanyol onde tres diskuten ke lingua van avlar los djidios en tres djenerasiones. El uno dize Fransez (la lingue de la luz), el otro Turko (la lingua del pais) i el otro Ebreo (la lingua de los djidios). Ninguno no pensave - a si mizmo ke el teatro era en djudeo-espanyol - ke esta lingua se va sobrevivir en los tiempos modernos.

Posted by: Samuel Hassid
Respond to the author     Back to Top

Posted on: July 9-2001

• Responding to: El livro de R. Bali, para entender lo ke paso al djudeo-espanyol

El livro mas bueno es:

Paloma Diaz-Mas: Sephardim. The Jews from Spain. University of Chicago Press 1992, ISBN 0-226-14483-6

La tresera edisyon espanyola 1997: Los sefardies. Barcelona: Riopiedras, ISBN 84-7213-142-4 En este livro ay todo: literatura i lingua, i istoria. Kon karinyo

Posted by: A Hetzer
Respond to the author     Back to Top

Respond to the author:
 
Name:
 
E-mail:
 
Topic's Title:El livro de R. Bali, para entender lo ke paso al djudeo-espanyol
 

Type here your comments:

 

PRIVACY POLICY: All Information you submit is strictly confidential. It will neither be sold nor rented to anybody else, or shared in any form.

To participate in other board or begin a new discussion Click Here.
 


"Save The Music" Is A WEBstationONE Production, ©copyright 2000.
Funded by: The Internet Development Fund and Our Sponsors.
The Internet Development Fund is a 501 C-3 California Non-profit Corporation.